Kinumpirma ni Archdiocese of Davao Bishop Romulo Valles na tinanggap ni Pope Francis ang liham ng paghingi ng paumanhin ni Davao City Mayor Rodrigo Duterte at pinatawad na rin siya nito.
Ipinakita ng nasabing lider ng simbahan ang liham ni Pope Francis na ipinadala kay Duterte noong February 24 sa pamamagitan ng isa sa mga secretary ng Papa na si Bishop Angelo Beccie.
Laman ng nasabing 2-paragraph letter mula sa Vatican ang mga katagang ““His Holiness Pope Francis has received your letter of 21 January 2016, and he has asked me to respond on his behalf. He appreciates the sentiments which you expressed. The Holy Father offers the assurance of his prayers for you, as he invokes upon you the divine blessings of wisdom and peace”.
Ipinaliwanag ni Bishop Valles na kailan lang nila nakita ang liham dahil natabunan ito ng maraming sulat sa kanyang tanggapan.
Magugunitang umani ng batikos ang naging pagmumura ni Duterte makaraan niyang ikwento ang naranasan niyang mabigat na daloy ng trapiko sa Maynila nang dumalaw sa bansa si Pope Francis noong nakalipas na taon.
Nagpahayag naman ng pasasalamat kay Pope Francis ang kampo ng presidential aspirant sa ginawang pagpapatawad kay Duterte.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.