Parlade pinaiimbestigahan na ni AFP chief of staff General Sobejana

By Chona Yu February 09, 2021 - 04:36 PM

Pinaiimbestigahan na ni Armed Force of the Philippines chief of staff Lt. General Cirilito Sobejana sa provost marshal si Lt. General Antonio Parlade Jr.

Ito ay dahil sa ginawang red-tagging o pag-aakusa ni Parlade sa reporter ng INQUIRER.net na si Tetch torres-Tupas na isang propagandista ng mga terorista.

Ayon kay Sobejana, inatasan na niya ang provost marshal na makipag-ugnayan sa National Task Force to End Local Communist Armed Conflict (NTF-ELCAC) partikular na sa strategic communications committee.

Dapat kasi aniyang malinaw kung ang mga pahayag ni Parlade ay bilang tagapag-salita at may basbas ng NTF-ELCAC.

Mayroon kasi aniyang due process na kailangang sundin.

Ayon kay Sobejana, hihintayin niya muna ang resulta ng imbestigasyon ng provost marshal bago gumawa ng susunod na hakbang kay Parlade.

Una rito, sinabi ni Defense Secretary Delfin Lorenzana na pinaiimbestigahan na rin niya si Parlade.

 

TAGS: antonio parlade, Cirlito Sobejana, provost marshal, Tetch Torres-Tupas, antonio parlade, Cirlito Sobejana, provost marshal, Tetch Torres-Tupas

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.

Your subscription could not be saved. Please try again.
Your subscription has been successful.

Subscribe to our newsletter!

By providing an email address. I agree to the Terms of Use and acknowledge that I have read the Privacy Policy.