BREAKING: Magnitude 6.1 na lindol yumanig sa Davao del Sur

Niyanig ng magnitude 6.1 na lindol ang Davao del Sur, linggo ng tanghali.

Ayon sa Philippine Institute of Volcanology and Seismology (Phivolcs), naganap ang lindol dakong 12:22 ng tanghali.

Naitala ang lokasyon ng lindol sa layong anim na kilometro Silangan ng Magsaysay, Davao del Sur at may lalim na 15 kilometers.

Tectonic ang pinagmulan ng lindol.

Naramdaman ang Intensity V ng lindol sa Kidapawan City.

Nailata naman ang Instrumental Intensity V sa Koronadal City, South Cotabato; Instrumental Intensity IV naman sa Alabel at Kiamba, Saranggani; General Santos City.

Instrumental Intensity II naman ang naitala sa Cagayan de Oro at Gingoog, Misamis Oriental at Instrumental Intensity I sa Cagayan de Oro, Misamis Oriental.