Mga kumpanya ng langis may rollback sa presyo ng produktong petrolyo bukas

Magpapatupad ng rollback sa presyo ng mga produktong petrolyo ang mga kumpanya ng langis bukas, araw ng Martes.

Ito ay matapos ang ilang magkakasunod na linggo na nagpatupad ng dagdag sa presyo ng mga produktong langis ang mga oil companies.

Sa abiso, nasa pagitan ng 50 hanggang 70 centavos ang inaasahang bawas sa kada litro ng diesel, habang 20 hanggang 30 centavos naman kada litro ang posibleng bawas sa gasolina.

Inaasahan namang 30 hanggang 40 centavos kada litro ang ibabawas sa presyo ng kerosene.

Inaasahang ngayong araw ay iaanunsyo ng mga kumpanya ang eksaktong halaga ng ipatutupad na bawas sa presyo ng produktong petrolyo.