Pitong kilo ng marijuana bricks, nasabat sa Bataan

Nasamsam ang pitong kilo ng dried marijuana bricks sa Mariveles, Bataan Martes ng hapon.

Sanib-pwersa ang Philippine Drug Enforcement Agency Region III – Bataan Provincial Office, Provincial Police Drug Enforcement Unit (PPDEU) Bataan PPO, Provincial Intelligence Branch at lokal na pulis sa ikinasang entrapment operation sa bahagi ng Barangay Batangas II.

Base sa ulat ni PDEA3 Regional Director Christian Frivaldo, nakilala ang suspek na si Mervin Morado, 25-anyos.

Tinatayang aabot sa P840,000 ang halaga ng nakumpiskang ilegal na droga.

Kasong paglabag sa Section 5 (sale of dangerous drugs) at Section 11 (possession of dangerous drugs) ng Republic Act 9165 ang isasampa laban kay Morado.