Panukala upang buwisan ang POGO at kanilang manggagawa lusot na sa ikalawang pagbasa ng Kamara
Pasado na sa ikalawang pagbasa ng Mababang Kapulungan ng Kongreso ang panukala upang patawan ng buwis ang mga Philippine Offshore Gaming Operations (POGO) na nag-o-pperate sa bansa.
Sa viva voce voting ay naaprubahan ang House Bill 5777 na mag-aamyenda sa National Internal Revenue Code.
Layunin ng panukala na makakolekta ng buwis sa mga POGO gayundin ang mga workers nito.
Sa ilalim nito, papatawan ng 5% franchise tax ang annual gross revenue ng mga POGO.
Ang mga POGO workers naman ay papatawan ng withholding tax na katumbas ng 25% ng kanilang pinagsamang salaries, wages, annuities, compensation, remuneration, at iba pa tulad ng allowances at honoraria o katumbas ng minimum gross annual income na P600,000.
Inaasahan kikita ang gobyerno ng P45 Billion kada taon sa pagbubuwis sa POGO.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.