BREAKING: Kaso ng COVID-19 sa Pilipinas, sumampa na sa higit 527,000
Mahigit 1,500 ang panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Lunes (February 2), umabot na sa 527,272 confirmed cases ng nakakahawang sakit sa bansa.
Sa nasabing bilang, 28,891 o 5.5 porsyento ang aktibong kaso.
Sinabi ng kagawaran na 1,658 ang bagong napaulat na kaso ng COVID-19 sa bansa.
88.5 porsyento sa active COVID-19 cases ang mild; 5.3 porsyento ang asymptomatic; 0.56 porsyento ang moderate; 2.7 porsyento ang severe habang 3.0 porsyento ang nasa kritikal na kondisyon.
Nasa 58 naman ang napaulat na nasawi.
Dahil dito, umakyat na sa 10,807 o 2.05 porsyento ang COVID-19 related deaths sa bansa.
Ayon pa sa DOH, 27 naman ang gumaling pa sa COVID-19.
Dahil dito, umakyat na sa 487,574 o 92.5 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.