Paggamit sa flu vaccines bilang dagdag na immunity dapat ikunsidera ng pamahalaan
Nanawagan si Deputy Speaker Bernadette Herrera sa Department of Health (DOH) at sa Inter-Agency Task Force (IATF) na gamitin muna ang “flu vaccines” sa mga Pilipino bilang dagdag na immunity habang wala pa ang COVID-19 vaccines.
Ayon kay Herrera, ang pagsasagawa ng flu vaccination ay makakatulong para tanggapin ng publiko ang COVID-19 vaccines.
Paliwanag ng mambabatas, sa ganitong paraan ay mawawala ang alinlangan sa bakuna lalo pa’t marami sa mga Pilipino ang hindi pa handa sa COVID-19 vaccine.
Bukod dito, makapagbibigay din ng dagdag na “bystander immunity” o proteksyon para makaiwas at labanan ang mga sintomas ng coronavirus disease.
Mainam din aniya ang flu vaccines lalo na sa mga kabataan na hindi pa kasama at mababakunahan mg COVID-19 vaccine.
Dapat anyang kaagad magsagawa ng roll out ng flu vaccine para sa mga health frontliners, kabataan, at senior citizens.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.