Isang empleyado ng MRT-3 depot nasawi sa COVID-19
Isang empleyado ng MRT-3 depot sa Quezon City ang nasawi dahil sa Covid-19.
Ayon kay Transport Undersecretary for Railways Timothy John Batan, isa ang nasawi sa 36 nilang personnel sa depot na nagpostibo sa sakit.
Bukod sa 36 na tinamaan ng Covid-19 na empleyado MRT-3 depot, mayroon pang anim na mula sa maintenance service provider Sumitomo-Mitsubishi Heavy Industries ang nagpositibo dito.
Wala naman ayon kay Bathan na naiuulat pang nagkasakit mula sa anumang istasyon ng MRT-3.
Sabi ng DOTr, sumasailalim na sa quarantine ang mga tauhan nila na nagpositibo sa sakit.
Sa ngayon sabi ng kagawaran, work from home muna ang kanilang mga empleyado sa MRT-3 depot simula noong isang linggo habang may mangilan-gilan naman na essential office personnel ang pumapasok physically matapos mag-negatibo sa swab test result.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.