Pangalan ng apat na bagyo na nagdulot ng matinding pinsala sa bansa, hindi na gagamitin

Itinuturing nang “retired” ang pangalan ng apat na bagyong nagdulot ng matinding pinsala sa bansa sa taong 2020.

Ibig-sabihin nito, hindi na muling gagamitin ng PAGASA ang pangalan.

Kabilang dito ang Ambo, Quinta, Rolly, at Ulysses.

Narito ang naitalang pinsala sa apat na bagyo:
Ambo – P1.574 bilyon
Quinta – 27 deaths, P4.223 bilyon
Rolly – 25 deaths, P17.875 bilyon
Ulysses – 101 deaths, P20.261 bilyon

Papalitan na ang apat na nabanggit na pangalan ng Aghon, Querubin, Romina, at Upang para sa 2024 list.

Ituturing na “retired” ang isang tropical cyclone name kapag pumalo sa 300 o higit pa ang bilang ng nasawi o umabot sa P1 bilyon ang halaga ng pinsala.