Bilang ng ridership sa apat na rail lines, umabot sa 47.72-M

By Angellic Jordan January 27, 2021 - 01:48 PM

Umabot sa mahigit 47.72 milyon ang bilang ng ridership ng apat na rail lines, ayon sa Department of Transportation (DOTr).

Ayon sa kagawaran, ito ay simula nang magbalik-operasyon ang mga tren nang isailalim ang National Capital Region (NCR) sa general community quarantine (GCQ) noong June 1.

Sa datos ng DOTr, nasa 47,728,298 ang ridership ng Light Rail Transit Line 1 at 2, Metro Rail Transit Line 3 at Philippine National Railways.

Naitala ang nasabing bilang simula June 1 hanggang January 26.

Narito ang bilang ng ridership sa mga sumusunod na rail lines:
LRT-1 – 22,432,353
LRT-2 – 5,700,188
MRT-3 – 16,514,544
PNR – 3,081,213

Umabot naman sa 24 train sets ang nakakatakbo sa LRT-1 tuwing peak hours, anim sa LRT-2, 23 sa MRT-3 at 10 sa PNR.

Tuloy na ang operasyon ng mga nabanggit na rail lines sa ilalim ng partial, gradual at calibrated approach na may limitadong kapasidad, social distancing at sanitary measures.

TAGS: dotr, DOTr rail lines ridership, Inquirer News, Radyo Inquirer news, rail lines ridership, transportation during GCQ, dotr, DOTr rail lines ridership, Inquirer News, Radyo Inquirer news, rail lines ridership, transportation during GCQ

Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.