Nakapagtala ang Department of Health ng halos dalawang libong kaso ng COVID-19 ngayong araw.
Dahil dito, umakyat na sa kabuuang 513,619 ang bilang ng mga nagkasakit.
Ito ay matapos makapagdagdag ng 1,949 na nagpositibo kaya umakyat na sa 27, 765 ang aktibong kaso.
Mayroon namang 7,729 ang gumaling kaya umabot na ito sa 475, 612.
53 naman ang nadagdag sa nasawi kaya umakyat na ito sa 10, 242.
Ang Davao City naman ang may pinakamarating naitalang kaso na umabot sa 99 na sinundan ng Quezon City na 98, ang lalawigan ng Cavite naman ang pumangatlo na mayroong 74 at sinundan ng Baguio City na mayroong 73 at ang lalawigan ng Leyte naman ay nakapagtala ng 63 kaso.
Sa kabuuang bilang ng mga naitalang kaso sa bansa, 5.4% (27,765) ang aktibong kaso, 92.6% (475,612) na ang gumaling, at 1.99% (10,242) ang namatay.
Limang laboratoryo naman ayon sa DOH ang hindi nakapagsumite ng kanilang datos.