Higit 100 pang residente sa Eastern Visayas, tinamaan ng COVID-19

May 108 pang nadagdag sa bilang ng kaso ng COVID-19 sa Eastern Visayas.

Sa datos ng Department of Health (DOH) – Eastern Visayas hanggang 9:00, Miyerkules ng umaga (January 20), umakyat na sa 13,117 ang confirmed COVID-19 cases sa probinsya.

Sa nasabing bilang, 903 o 6.88 porsyento ang aktibong kaso.

24 residente naman ang gumaling pa sa nakakahawang sakit.

Bunsod nito, umabot na sa 12,048 o 91.85 porsyento ang total recoveries sa Eastern Visayas.

Nasa 166 na ang mga residenteng nasawi o 1.27 porsyento bunsod pa rin ng nakakahawang sakit.