Economic provisions ng Saligang Batas dapat nang amyendahan dahil sa ginagawa ng mga dayuhang korporasyon
Iginiit ni Cavite Rep. Elpidio Barzaga na maraming foreign corporations ang gumagamit ng ‘dummy’ at nakakalusot sa mahigpit na probisyon ng foreign ownership sa ilalim ng Konstitusyon.
Ito aniya ang dahilan kaya napapanahon na para amyendahan ang Saligang Batas.
Paliwanag ni Barzaga na isa ring abogado, gumagamit ng ‘dummy’ ang mga dayuhan para makapagmayari ng mga kumpanya sa bansa.
Bukod dito, mayroong mass media companies rin ang nakakapag-operate sa bansa gamit ang mga ‘dummies’ na isang direktang paglabag sa ating Konstitusyon.
Sinabi pa ng kongresista na nararapat lamang na amyendahan na ang economic provisions dahil matagal na panahon na rin namang nilalabag at nakakalusot ang mga foreign corporations sa bansa.
Binigyang diin pa ng kongresista na nawawala rin ang kailangang foreign direct investments (FDI) ng bansa dahil sa mahigpit na economic provisions.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.