Overall progress rate ng LRT-1 Cavite Extension project, higit 50 porsyento na

Tuluy-tuloy ang konstruksyon ng LRT- 1 Cavite Extension Project.

Ayon sa Department of Transportation (DOTr), nasa 50.61 porsyento ang overall progress rate sa naturang proyekto hanggang December 31, 2020.

Kabilang sa mga bagong ginawa ang bored piling, pier/portal column works, at MIA station foundation works.

Isinasagawa rin ang expansion ng depot sa Baclaran at pagtatayo ng bagong satellite depot sa Zapote.