Gobyerno, target mabakunahan ang 5-M Pinoy hanggang Hunyo
Target ng gobyerno na mabigyan ng COVID-19 vaccine ang limang milyong Filipino pagsapit ng Hunyo.
Sa press briefing, sinabi ni Presidential spokesperson Harry Roque na ang unang gagawing hakbang ay makapagpabakuna nang maaga.
“Unang hakbang po natin, pinaaga po natin ang pagbabakuna. Bago pa po dumating ang mga western brands, gaya ng sabi ko ang Pfizer, may kaunti na rin pong darating sa Pebrero,” pahayag ni Roque.
“Siniguro natin na at least 5 million vaccines can be used by our people. Kasi po mas mabilis makahawa itong new variant. So bibigyan natin ng proteksyon ang pinakamababa, 5 milyong mga Filipino between now and June,” dagdag nito.
Samantala, ukol naman sa quarantine restrictions, sinabi ni Roque na nakadepende ito sa maitatalang kaso ng nakakahawang sakit at critical care capacity ng bansa.
Pero sa ngayon, tiniyak nito na marami pang available beds sa ICU, wards at isolation facilities.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.