Mga gumaling sa COVID-19 sa hanay ng PNP, halos 9,000 na

Aabot sa 26 ang bagong napaulat na pulis na tinamaan ng COVID-19 sa Pilipinas, ayon sa Philippine National Police (PNP).

Sa datos ng PNP Health Service hanggang 6:00, Martes ng gabi (January 12), 9,332 na ang confirmed COVID-19 cases sa hanay ng pambansang pulisya.

Sa nasabing bilang, 323 ang aktibo pang kaso.

37 namang pulis ang gumaling sa nakakahawang sakit.

Dahil dito, 8,981 na ang total recoveries sa hanay ng PNP sa naturang sakit.

Wala namang napaulat na nasawi sa PNP dahil sa COVID-19.

Bunsod nito. 28 pa rin ang COVID-19 related deaths sa pambansang pulisya.