Mountain Province Governor patay sa atake sa puso
Dead-on arrival sa Notre Dame Hospital a Baguio City si Mountain Province Governor Leonard Mayaen.
Sinabi ng kanyang may-bahay na si Ginang Sonia Gawe Mayaen na dumanas ng massive heart attack ang opisyal habang nasa Capitol Building sa bayan ng Bontoc pasado alas-dose ng tanghali kanina.
Kinailangan pa nilang maghanap ng helicopter bago nailipat ng pagamutan si Mayaen at kanilang alas-tres ng hapon ay idineklara siyang patay pagdating sa pagamutan.
Si Mayaen na isang re-electionist ay walang kalaban sa darating na eleksyon sa May 9.
Nauna siyang naglingkod bilang Board Member ng Mountain Province na sinundan ng dalawang termino bilang Vice-Governor.
Si Governo Mayaen ay nahalal bilang pinuno ng lalawigan noong 2010.
Dahil sa kanyang pagkamatay ay pansamantala munang hindi itutuloy ang province-wide Lang-ay Festival.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.