BREAKING: Kaso ng COVID-19 sa Pilipinas, umabot na sa higit 489,000; Lagpas 2,000 ang nadagdag
Lagpas 2,000 ang panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Lunes (January 11), umabot na sa 489,736 ang confirmed cases ng nakakahawang sakit sa bansa.
Sa nasabing bilang, 22,114 o 4.5 porsyento ang aktibong kaso.
Sinabi ng kagawaran na 2,052 ang bagong napaulat na kaso ng COVID-19 sa bansa.
Ito ang pinakamataas na naitalang kaso ng COVID-19 sa isang araw sa taong 2021.
84.3 porsyento sa active COVID-19 cases ang mild; 5.6 porsyento ang asymptomatic; 0.58 porsyento ang moderate; 3.4 porsyento ang severe habang 6.2 porsyento ang nasa kritikal na kondisyon.
Nasa 11 naman ang napaulat na nasawi.
Dahil dito, umakyat na sa 9,416 o 1.92 porsyento ang COVID-19 related deaths sa bansa.
Ayon pa sa DOH, 10 naman ang gumaling pa sa COVID-19.
Dahil dito, umakyat na sa 458,206 o 93.6 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.