Pag-ulan sa Luzon asahan ngayong maghapon – PAGASA
Posibleng makaranas ng mahinang pag-ulan ang buong Luzon ngayong araw.
Ayon sa Philippine Atmospheric, Geophysical and Astronomical Services Administration (PAGASA), malamig na panahon pa rin naman ang mararanasan ngayong mag-hapon.
Ang Visayas at Mindanao ay makararanas ng kalat-kalat ng maulap na papawirin, kalat-kalat na pag-ulan, pagkulog at pagkidlat.
Sabi ng PAGASA, ang northeast monsoon o hanging Amihan pa rin ang naka-a-apekto sa lagay ng panahon sa Luzon, habang ang tail-end ng frontal system ang sa at Intertropical Convergence Zone (ITCZ) in Mindanao.
“Patuloy pa ring nakakaapekto ang northeast monsoon sa buong Luzon. Itong hangin na nagmumula sa mainland China, ‘yan ang nagdadala ng malamig na hangin at nagdadala rin ng mahihinang pag-ulan,” saad ni PAGASA weather specialist Meno Mendoza.
Magdadala ang hanging Amihan ng maulap na papawirin na may pag-ulan sa Cagayan Valley, Cordillera Administrative Region, Bicol Region, Aurora, Quezon Metro Manila at natitira pang bahagi ng Luzon.
“Samantala, ang tail-end ng frontal system ito ‘yung area kung saan nagsasanib ang malamig na hangin na dala ng amihan at ang mainit na hangin na nagmumula sa Dagat Pasipiko. Kaya kapag nagsalubong po ang dalawang hangin na iyan ay nagkakaroon po tayo ng thunderstorms,” dagdag pa Mendoza.
Ang mga sumusunod ang pagtaya sa temperature sa iba’t-ibang panig ng bansa:
Metro Manila: 22 to 29 degrees Celsius
Baguio City: 10 to 21 degrees Celsius
Laoag City: 17 to 28 degrees Celsius
Tuguegarao: 18 to 26 degrees Celsius
Legazpi City: 22 to 26 degrees Celsius
Puerto Princesa City: 25 to 28 degrees Celsius
Tagaytay: 19 to 27 degrees Celsius
Kalayaan Islands: 25 to 28 degrees Celsius
Iloilo City: 24 to 27 degrees Celsius
Cebu City: 23 to 28 degrees Celsius
Tacloban City: 23 to 28 degrees Celsius
Cagayan De Oro City: 24 to 30 degrees Celsius
Zamboanga City: 24 to 33 degrees Celsius
Davao City: 24 to 31 degrees Celsius
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.