BREAKING: Mga gumaling sa COVID-19 sa Pilipinas, nasa 458,198 na
Nasa halos 2,000 muli ang panibagong kaso ng Coronavirus Disease o COVID-19 sa Pilipinas.
Sa huling datos ng Department of Health (DOH) bandang araw ng Linggo (January 10), umabot na sa 487,690 ang confirmed cases ng nakakahawang sakit sa bansa.
Sa nasabing bilang, 20,087 o 4.1 porsyento ang aktibong kaso.
Sinabi ng kagawaran na 1,906 ang bagong napaulat na kaso ng COVID-19 sa bansa.
83.0 porsyento sa active COVID-19 cases ang mild; 5.8 porsyento ang asymptomatic; 0.63 porsyento ang moderate; 3.7 porsyento ang severe habang 6.8 porsyento ang nasa kritikal na kondisyon.
Nasa walo naman ang napaulat na nasawi.
Dahil dito, umakyat na sa 9,405 o 1.93 porsyento ang COVID-19 related deaths sa bansa.
Ayon pa sa DOH, 8,592 naman ang gumaling pa sa COVID-19.
Dahil dito, umakyat na sa 458,198 o 94.0 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.