Higit 100 bagong kaso ng COVID-19, naitala sa Eastern Visayas

May 129 pang nadagdag sa bilang ng kaso ng COVID-19 sa Eastern Visayas.

Sa datos ng Department of Health (DOH) – Eastern Visayas hanggang 9:00, Miyerkules ng umaga (January 6), umakyat na sa 11,631 ang confirmed COVID-19 cases sa probinsya.

Sa nasabing bilang, 725 o 6.23 porsyento ang aktibong kaso.

22 residente naman ang gumaling pa sa nakakahawang sakit.

Bunsod nito, umabot na sa 10,770 o 92.60 porsyento ang total recoveries sa Eastern Visayas.

Nasa 136 na ang mga residenteng nasawi o 1.17 porsyento bunsod pa rin ng nakakahawang sakit.