High-value target, arestado matapos makuhanan ng shabu sa Negros Oriental

Timbog ang isang high-value target sa ikinasang buy-bust operation sa Tanjay City, Negros Oriental.

Isinagawa ang operasyon ng PDEA RO VII NORPO at Tanjay CPS sa bahagi ng Sitio Tonggo Dawis, Barangay Sta. Cruz Viejo dakong 2:00, Martes ng madaling-araw.

Naaresto sa operasyon ang drug suspect na si Lito Torres Mirata alyas “Islaw,” 31-anyos.

Nakumpiska kay Mirata ang limang palete ng hinihinalang shabu na nagkakahalaga ng P6,800 at ginamit na buy-bust money.

Mahaharap si Mirata sa kasong paglabag sa Section 5 at 11, Article II ng Republic Act 9165 o Comprehensive Dangerous Drugs Act of 2002.