Buong lalawigan ng Sulu sasailalim sa lockdown simula sa January 4

Magpapatupad na ng lockdown sa buong lalawigan ng Sulu simula sa January 4 hanggang sa January 17 2021.

Ayon ito kay Sulu Governor Sakur Tan.

Sinabi ni Tan na maari pang mapalawig ang lockdown depende sa sitwasyon.

Una nang sinabi ni Tan na nais niyang maisailalim sa lockdown ang probinsya lalo pa at malapit sila sa Sabah, Malaysia na napaulat na mayroon nang kaso ng bagong variant ng COVID-19.

Habang nakasailalim sa lockdown ang buong Sulu, hindi muna tatanggap ng mga LSI, returning OFW, at returning residents.

Exempted dito ang mga frontliner.