Kutsilyo, appliances at cellphones, nasabat sa ika-26 na Oplan Galugad sa Bilibid
Nakasabat na naman ng mga kontrabando sa ika-26 na Oplan Galugad na isinagawa ng Bureau of Corrections (Bucor) sa New Bilibid Prisons (NBP) sa Muntinlupa City.
Ayon kay NBP Superintendent Richard Schwarzkopf, sa pag-galugad ngayong araw ng nakakuha sila ng mga kutsilyo at icepick.
Nakasentro sa Building 4 ng Quadrant 2 ng Maximum Security Compound ang ika-26 na Oplan Galugad.
Bukod dito may nakakuha rin silang appliances at cellphone na tinangka pang itago ng isang inmate sa kanyang pantalon.
Nakasabat rin ang mga tauhan ng Bucor ng alak na itinago naman sa likod ng telebisyon.
Sinabi ni Schwarzkopf na hindi sila titigil sa pagsasagawa ng Oplan Galugad at patuloy ang gagawin nilang pagsuyod sa New Bilibid Prisons, hangga’t mayroon pa rin silang nakakakuhang mga kontrabando./ Erwin Aguilon
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.