LPA sa West PH Sea nakalabas na ng bansa, isa pang LPA nalusaw na; pero panibagong LPA papasok sa bansa sa susunod na mga araw
Wala nang Low Pressure Area na binabantayan ang PAGASA sa loob ng bansa.
Ang LPA kasi na nasa bahagi ng West Philippine Sea ay nakalabas na ng bansa at huling namataan sa layong 55 kilometers south ng Pagasa Island.
Ang LPA naman na nasa silangan ng Northern Luzon at nalusaw na.
Samantala, isang LPA ang binabantayan ng PAGASA sa labas ng bansa na huling namataan sa layong 1,165 kilometers east ng Mindanao.
Ayon sa PAGASA sa susunod na mga araw ay papasok ito ng bansa.
Sa weather forecast ngayong araw, makararanas ng maulap na papawirin na may kalat-kalat na pag-ulan sa Batanes at Babuyan Islands dahil sa Amihan.
Sa nalalabing bahagi ng Cagayan Valley at sa lalawigan ng Aurora, ang Tail-End ng Frontal System ang magdudulot ng pag-ulan.
Dahil naman sa trough ng LPA, makararanas din ng pag-ulan ngayong araw sa Caraga, Davao Region, Zamboanga Peninsula, SOCCSKSARGEN, at Kalayaan Islands.
Localized thunderstorms naman ang iiral sa Metro Manila at nalalabi pang bahagi ng bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.