P4.5T national budget nilagdaan na ni Pangulong Duterte
Nilagdaan na bilang ganap na batas ni Pangulong Rodrigo Duterte ang P4.5-trillion national budget para sa taong 2021.
Ginawa ang paglagda sa isang seremonya sa Malakanyang na dinaluhan ng ilang senador at mga kongresista.
Sa kaniyang pre-taped speech, sinabi ng pangulo na ang pambansang budget ay bunga ng pagkakausa ng ehekutibo at lehislatura lalo ngayong may problema ang bansa sa usapin ng kalusugan.
Kasama sa inilaan sa national budget ang P72.5 billion na alokasyon para sa vaccination program ng pamahalaan laban sa COVID-19.
Ayon sa pangulo, maituturing itong isa sa pinakaimportanteng items sa 2021 national budget dahil ilalaan ito sa storage, transportation, at distribution ng COVID-19 vaccines.
Tiniyak din ng pangulo sa mamamayan na bawat sentimo ng budget ay gagamitin ng maayos ng para sa recovery, resilience, at sustainability.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.