Bilang ng mga Filipino sa abroad na nagpositibo sa COVID-19 nanatili sa 12,828 – DFA
Hindi nadagdagan ang bilang ng mga Filipino na nagpositibo sa coronavirus disease o COVID-19 sa ibang bansa.
Sa datos ng Department of Foreign Affairs (DFA) (Biyernes, December 25), nasa 12,828 na overseas Filipinos (OFs) pa rin ang kumpirmadong positibo sa COVID-19 sa 84 na bansa at rehiyon.
Sa nasabing bilang, 3,576 ang patuloy na nagpapagamot sa iba’t ibang ospital.
Ang bilang ng mga naka-recover o na-discharge na sa ospital ay nanatili sa 8,341.
Ang bilang naman ng mga Pinoy abroad na pumanaw dahil sa COVID-19 ay nanatili sa 911.
Pinakamarami pa ring naitalang confirmed COVID-19 positive na Filipino sa bahagi ng Middle East/Africa na may 7,654 na kaso.
Sumunod dito ang Asia Pacific Region na may 2,647 confirmed COVID-19 positive cases.
Nasa 1,746 naman kaso ang sa Europe at 781 sa Americas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.