Calatagan, Batangas muling niyanig ng lindol

Niyanig ng magnitude 3.9 na lindol ang lalawigan ng Batangas.

Ayon sa Phivolcs, naitala ang pagyanig sa 15 kilometers southwest ng bayan ng Calatagan, alas-6:32 gabi ng Huwebes (December 24).

May lalim na 114 kilometers at tectonic ang origin ng pagyanig.

Naitala ang instrumental intensity 2 sa Puerto Galera, Oriental Mindoro.

Wala namang naitalang pagkasira ng mga ari-arian at aftershocks bunsod ng pagyanig.

Nauna nang niyanig ng magnitude 3.3 na lindol ang lugar kaninang alas-12:16 ng tanghali.