Araw-araw na pag-aabot ng pagkain at gamot sa mga PDL pinayagan ng BuCor

Dahil Christmas season, pinayagan ng Bureau of Corrections (BuCor) ang araw-araw na pag-aabot ng pagkain at gamot sa mga PDL.

Ayon sa Bucor, kung dati ay weekends lamang pwedeng mag-abot ng pagkain at gamot, ngayon ay papayagan ito araw-araw mula 8AM to 5PM.

Sakop nito ang mga nasa minimum, medium, at maximum security compound at maging ang nasa Reception and Diagnostics Center.

Pero pansamantala lamang ito o hanggang December 31, 2020 lamang para sa diwa ng Pasko at Bagong Taon.

Sa Enero 2021, balik muli sa weekends lamang ang pag-aabot ng pagkain at gamot sa PDLs.