Kaso ng COVID-19 sa Eastern Visayas, nadagdagan pa ng 244
Nadagdagan ng 244 pa ang bilang ng kaso ng COVID-19 sa Eastern Visayas.
Maituturing itong pinakamataas na single-day increase sa COVID-19 cases sa rehiyon.
Naitala ang mga bagong kaso mula sa 1,472 laboratory samples na sinuri ng EVRCTC, DWHVL at Ormoc Molecular Diagnostic Center.
Sa datos ng Department of Health (DOH) – Eastern Visayas hanggang 9:00, Miyerkules ng umaga (December 23), 10,456 na ang total confirmed COVID-19 cases sa rehiyon.
Sa nasabing bilang, 875 o 8.37 porsyento ang aktibong kaso.
52 residente naman ang gumaling pa sa nakakahawang sakit.
Bunsod nito, umabot na sa 9,463 o 90.50 porsyento ang total recoveries sa Eastern Visayas.
Sa ngayon ay umabot na sa 118 ang bilang ng nasawi sa rehiyon o katumbas ng 1.13 porsyento.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.