LRT-1 magpapatupad ng shortened service hours sa Christmas Eve at New Year’s Eve
Magpapatupad ng shortened service hours ang LRT-1 sa December 24 (Christmas Eve) at sa December 31 (New Year’s Eve).
Sa abiso ng Light Rail Manila Corporation (LRMC), sa December 24, ang operating schedule ng LRT-1 ay mula 4:30 AM hanggang 8:00 PM lamang para sa north at southbound.
Sa December 31 naman, 4:30 AM to 7:00 PM lamang ang biyahe ng mga tren ng LRT-1.
Sa mismong araw ng Pasko, December 25; sa Rizal Day, December 30; at sa Bagong Taon, January 1 ay susundin ang regular weekends/holiday schedule.
Mananatili namang sarado until further notice ang Roosevelt station ng LRT-1 para sa nagpapatuloy na pagtatayo ng Common Station o Unified Grand Central Station (UGCS) na magkukunekta sa LRT-1, MRT-3, at MRT-7.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.