U.S. Capitol, nagpatupad ng lockdown dahil sa shooting incident

Nagpatupad ng lockdown sa U.S. Capitol Hill at mismong sa White House matapos ang shooting incident na naganap sa Visitors Center ng Capitol complex.

Bigla umanong bumunot ng baril ang lalaki habang dumadaan sa security checkpoint ng gusali dahilan para paputukan siya ng police security.

Isang hindi pa nakikilalang babaeng bystander ang nagtamo ng moniro injuries matapos matalsikan ng shrapnel.

Agad namang inalis ang pag-iral ng lockdown sa White House, pero nananatili pa ring sarado ang U.S. Capitol.

Kinilala ang nasabing suspek na si Larry Russell Dawson na mila sa Antioch, Tennessee.

Si Dawson ay nakasuhan na noong October 23, 2015 dahil sa pangugulo din sa Capitol grounds.