Biyahe ng LRT-1 nagka-aberya

Nagpatupad ng “stop for safety” sa biyahe ng LRT line 1 mula Balintawak patungo ng Monumento.

Ito ay dahil sa nagkaproblemang tren sa bahagi ng Balintawak Station.

Alas 12:03 ng tanaghali, sinabi ng LRT-1 na nagpaatupad ng 15kph speed restriction sa Balintawak Station.

Pagsapit ng alas 12:09 ng tanghali, inihinto na ang mga biyahe ng tren mula Balintawak to Yamaha Monumento Station.

Sinabi ng LRT-1 na nagtalaga na ng technician para ayusin ang nagkaproblemang tren sa Balintawak Station.

Alas 12:23  ng hapon nang maibalik sa normal ang serbisyo ng mga tren ng LRT-1.