Bayan ng San Juan sa Batangas, COVID-19 free na

Gumaling na ang nag-iisang aktibong kaso ng COVID-19 sa munisipalidad ng San Juan sa lalawigan ng Batangas.

Siya ay si case no. SJ145 mula sa Barangay Lipahan.

Dahil dito, sinabi ng San Juan, Batangas LGU na as of 8:00 ng umaga ngayong Martes, Dec. 22 ay COVID-19 free na ang bayan ng San Juan.

Simula noong April 7, 2020 umabot sa 145 ang total number ng confirmed COVID cases sa bayan.

Sa nasabing bilang, 9 ang nasawi.

Tiniyak naman ni San Juan, Batangas Mayor Ildebrando D. Salud na hindi titigil sa pagpapaalala ang LGU kaugnay sa pagsunod sa minimum health protocols na ipinatutupad upang maging ligtas laban sa sakit na COVID-19.