CHR kinondena ang pagpaslang ng pulis sa mag-ina Paniqui, Tarlac
Mariing kinondena ng Commission on Human Rights (CHR) ang pagpaslang ng isang pulis sa mag-ina sa Paniqui, Tarlac.
Ayon sa CHR, ang mga miyembro ng police force ay inaasahang disiplinado, at propesyunal at sila ay mayroong motto na “To Serve and Protect”.
Kaya hindi umano katanggap-tanggap ang insidente ng pagpatay ni PSMS Jonel Nuezca sa mag-inang sina Sonya Gregorio, 52, at Frank Anthony Gregorio, 25 na kapwa walang armas at hindi naman nanlalaban.
Ayon kay CHR Spokesperson Atty. Jacqueline Ann De Guia, muli silang nananawagan sa pamahalaan na magsagawa ng malawakang imbestigasyon sas mga alegasyon ng arbitrary killing.
Kasabay nito, umapela din ang CHR sa publiko na protektahan ang interest ng bata sa video na sinasabing anak ni Nuexca.
Ang pagbabahagi umano ng larawan at pangalan nito ay maaring magdulot ng trauma sa bata.
Ayon sa CHR, nagsasagawa na din ang kanilang Regional Office ng imbestigasyon sa insidente.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.