Yellow heavy rainfall warning nakataas sa Aurora at Nueva Vizcaya

Nakararanas ng malakas at patuloy na pag-ulan sa lalawigan ng Aurora at Nueva Vizcaya.

Sa inilabas na rainfall warning ng PAGASA alas 5:00 ng umaga ngayong Lunes, Dec. 21 yellow warning level na ang nakataas sa buong lalawigan ng Aurora at sa bayan ng Alfonso Castañeda sa Nueva Vizcaya.

Babala ng PAGASA maaring makaranas ng pagbaha sa mababang lugar at landslides sa bulubunduking lugar.

Samantala, nakararanas naman ng mahina hanggang sa katamtamang pag-ulan sa Dinapigue, Isabela; Maddela at Nagtipunan, Quirino; Dupax del Sur, Dupax del Norte at Kasibu, Nueva Vizcaya.