Mahigit 120,000 pang OFWs naghihintay ng kanilang repatriation
Mayroon pang 126,000 overseas Filipino workers (OFWs) ang naghihintay ng kanilang repatriation matapos silang maapektuhan ng pandemya ng COVID-19 sa bansang pinagtatrabahuhan.
Ayon kay Alice Visperas, director ng International Labor Affairs Bureau ng Department of Labor and Employment (DOLE), kabilang sila sa mga OFW na humiling sa pamahalaan na ma-repatriate matapos silang mawalan ng trabaho.
Mayroon namang 82,000 na displaced Filipinos ang nagpasyang manatili sa mga bansa kung saan sila naroroon sa pag-asang makahahanap ng bagong trabaho.
Umabot na sa mahigit 550,000 pandemic-displaced OFWs, ang napauwi sa bansa mula nang magkaroon ng pandemya.
Sa susunod na taon, inaasahang aabot pa sa 80,000 na OFWs ang uuwi sa bansa.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.