LOOK: Sitwasyon sa Toll Plazas sa Valenzuela City nag-mistulang holiday; walang traffic dahil nakataas ang barriers
Aakalain mong regular holiday ngayong araw sa sitwasyon ng daloy ng traffic sa mga toll plaza ng North Luzon Expressway (NLEX) sa Valenzuela City.
Sa mga ibinahaging larawan sa Facebook ni Valenzuela City Mayor Rex Gatchalian, walang build up ng mga sasakyan sa mga toll plaza ng NLEX na sakop ng lungsod.
Ito ay kahit sa kasagsagan ng rush hour.
Ayon kay Gatchalian, bunsod ito ng napagkasunduan ng NLEX Corp. at ng LGU na itaas ang mga barriers sa RFID lanes.
“Taken just now…This is what Barriers Up can do….Akalain mo holiday diba? Rush hour pics yan ng mga nlex toll plazas sa Valenzuela,” ayon sa alkalde.
Magugunitang binawi na ni Gatchalian ang suspensyon na ipinataw sa business permit ng NLEX kapalit ng ilang kondisyon.
Kasama sa kondisyon ang pagtataas ng mga barrier para maiwasan ang build up ng mga sasakyan sa toll plazas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.