Dalawang hinihinalang miyembro ng kidnap-for-ransom group patay sa engkwentro sa Antipolo

Patay ang dalawang hinihinalang miyembro ng kidnap-for-ransom group sa engkwentro sa mga otoridad sa Antipolo City.

Naka-engkwentro ng mga tauhan ng the Philippine National Police Anti-Kidnapping Group (PNP-AKG) ang mga suspek alas 5:30 ng umaga ngayong Biyernes (Dce. 17) sa kahabaan ng Marcos Highway sa Sitio Painuman, Barangay Inarawan.

Lulan ang dalawa ng motorsiklo na walang lisensya at nang paparahin sila sa checkpoint ay pinaputukan nila ang mga otoridad.

Dead on the spot naman ang dalawang suspek.

Nakuha sa kanila ang .45 caliber pistol, Uzi sub-machine gun, at mga basyo ng bala.

Ayon sa PNP-AKG, ang dalawa ay miyembro ng “Mokong” kidnap for ransom group.