Isama ang mga manggagawa sa COVID-19 vaccination program – Sen. Villanueva
Umapela si Senator Joel Villanueva sa gobyerno na isama ang mga manggagawa sa COVID-19 vaccination program.
Kasabay nito, ang apela ni Villanueva kay vaccine czar Carlito Galvez Jr. na ikonsidera rin ang iba pang frontline service workers, gaya ng nasa transportation at logistics sector.
Gayundin aniya ang nasa food and retail sectors, construction and private security.
“Maliban po sa ating mga frontline service personnel tulad ng mga healthcare workers, pulis, at militar, nais makita ng ating mga manggagawa, lalo na po ang mga minimum wage earners, kung paano sila mabibigyan ng access sa bakuna,” sabi nito.
Binanggit nito na marami pa ring manggagawa ang nangangamba na magbalik-trabaho o maghanap ng trabaho sa kabila nang unti-unting pagbubukas na ng mga negosyo.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.