Suspected corrupt officials, maaaring makasuhan sa Disyembre – DOJ
Inanunsiyo ni Justice Secretary Menardo Guevarra na ang pinamumunuan ng kanyang tanggapan na Task Force Against Corruption ay maaaring makapagsampa sa Disyembre ng mga kaso laban sa ilang opisyal na sangkot sa korapsyon.
Tumanggi naman si Guevarra na kilalanin ang makakasuhan o ang ahensiya at kung anong partikular na mga kaso ang kanilang isasampa.
“The mechanism for the efficient operations of the TFAC is in place and is now processing complaints and reports on corruption,” paliwanag nito sa katuwiran na nang maging fully operational sila noong Disyembre 1 ay marami na silang mga reklamong natanggap.
Una nang sinabi ni Justice Usec. Emmelline Aglipay-Villar na 98 reklamo at ulat na ang kanilang natanggap simula noong Disyembre 2 kaugnay sa mga katiwalian sa iba’t ibang ahensiya ng gobyerno.
Noong Oktubre 27, inatasan ni Pangulong Rodrigo Duterte na bumuo ng isang task force na mag-iimbestiga sa mga anomalya sa lahat ng ahensiya ng gobyerno hanggang sa pagtatapos ng kanyang termino sa 2022.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.