18 bagong kaso ng COVID-19 naitala sa Baguio City; 1 pang pasyente ang pumanaw

Umabot sa 18 residente pa sa Baguio City ang nagpositibo pa sa COVID-19.

Batay sa Baguio City COVID-19 monitoring hanggang 7:00, Linggo ng gabi (December 13), umabot na sa 3,393 ang kabuuang bilang ng kaso ng COVID-19 sa lungsod.

Sa nasabing bilang, 295 ang aktibo pang kaso.

48 naman ang bagong gumaling sa COVID-19.

Bunsod nito, 3,050 na ang total recoveries sa Baguio City.

Isang 53 anyos na pasyente naman ang panibagong naitalang nasawi sa lungsod.

Ang naturang pasyente ay nagpositibo sa COVID-19 noong December 9 at nasawi dahil naging kritikal ang kaniyang COVID-19 symptoms dahil sa pagkakaroon ng Acute Respiratory Failure at Hypertension.