Truck ban sa NCR, ipatutupad muli simula sa Dec. 14

Muling ipapatupad ang truck ban sa Metro Manila, ayon sa Metropolitan Manila Development Authority (MMDA).

Sa abiso ng MMDA, magsisimula ang muling implementasyon ng truck ban sa araw ng Lunes, December 14, 2020.

Mayroon anilang total truck ban sa EDSA (Magallanes Interchange hanggang North Avenue), 24 oras mula Lunes hanggang Linggo.

Ayon sa MMDA, ipinagbabawal ang pagbiyahe ng malalaking truck sa ibang major thoroughfares na pinangangasiwaan ng MMDA mula 6:00 hanggang 10:00 ng umaga at 5:00 ng hapon hanggang 10:00 ng gabi, tuwing Lunes hanggang Sabado.