BREAKING: Bilang ng mga tinamaan ng COVID-19 sa Pilipinas, nasa 447,039 na
Mahigit 1,500 ang panibagong kaso ng Coronavirus Disease o COVID-19 na naitala sa bansa.
Sa huling datos ng Department of Health (DOH) araw ng Biyernes (December 11), umabot na sa 447,039 na ang confirmed cases ng COVID-19 sa bansa.
Sa nasabing bilang, 29,001 o 6.5 porsyento ang aktibong kaso.
Sinabi ng kagawaran na 1,504 ang bagong napaulat na kaso ng COVID-19 sa bansa.
85.8 porsyento sa active COVID-19 cases ang mild; 6.7 porsyento ang asymptomatic; 0.25 porsyento ang moderate; 2.4 porsyento ang severe habang 4.8 porsyento ang nasa kritikal na kondisyon.
8 naman ang napaulat na dagdag na nasawi.
Dahil dito, umakyat na sa 8,709 o 1.95 porsyento ang COVID-19 related deaths sa bansa.
Ayon pa sa DOH, 273 naman ang gumaling pa sa COVID-19.
Dahil dito, umakyat na sa 409,329 o 91.6 porsyento ang total recoveries ng COVID-19 sa Pilipinas.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.