Mag-lolo sa Zamboanga del Sur, dinukot

Dinukot ang isang 70-anyos na lalaki, pati ang kaniyang 20-anyos na apo ng mga armadong kalalakihang nakasuot ng police camouflage sa bayan ng Lapuyan, Zamboanga del Sur.

Tinukoy ni Task Force Zambasulta deputy commander Maj. Gen. Demy Tejares ang biktimang lolo na si Antonio Tan at ang apo naman na si Ray-Ray.

Ayon kay Tejares, walong armadong kalalakihang naka-police camouflage ang dumukot sa mag-lolo, Miyerkules ng gabi.

Kinaladkad aniya ng mga kidnappers ang mga biktima at isinakay sa dalawang puting motorized pumpboats.