TRB inatasan ang toll operators na gumagawa ng mga hakbang para maayos ang kanilang serbisyo
Tiniyak ng Toll Regulatory Board (TRB) ma inaaksyunan nito ang mga nararanasang problema sa pagpapatupad ng cashless/contactless transaction sa toll expressways.
Ayon sa pahayag ng TRB, may karampatang parusa at maaring mauwi sa suspensyon ng toll collection ng Toll Operators kung sila ay makikitaan ng patuloy na paglabag sa Implementing Rules & Regulations (IRR) ng programa.
Sinabi ng TRB na patuloy ang ginagawa nilang Operations at Systems audit sa pagpapatupad ng cashless transaction sa toll plazas.
Kinumpirma din nitong may mga problemang natukoy kabilang na ang inamin mismo ng North Luzon Expressway Corporation (NLEX Corp) sa kanilang RFID sensors.
Inatasan na ng TRB ang mga Toll Operator na gawin ang sumusunod na mga hakbang:
1. Agad palitan ang mga luma na at depektibong sensors (readers).
2. i-relocate o i-reposition ang rfid installation at reloading lanes na nakaaapekto sa pagsisikip ng traffic.
3. Tiyakin ang maintenance at pasasaayos sa systems software
4. Ayusin ang traffic management.
5. Ayusin ang customer service assistance.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.