Antas ng tubig ng Angat dam at iba pang dam sa Luzon nadagdagan sa magdamag

Nadagdagan pa ang antas ng tubig ng Angat dam at iba pang dam sa Luzon sa sa nakalipas magdamag.

Ayon sa PAGASA-Hydrometeorology Division, ang antas ng tubig ng Angat dam ay nasa 212.52 meters alas-6:00 umaga ng Miyerkules (December 9) mas mataas ito sa antas nito kahapon na 211.92 meters.

Nabawasan naman ang antas ng tubig ng Ipo dam na sa 99.97 meters mas mababa sa antas nito kahapon na 100.13 meters habang ang antas ng tubig ng La Mesa dam ay nadagdagan na nasa 79.48 meters ngayong umaga mas mataas sa antas nito kahapon na 79.43 meters.

Ang water level ng Ambuklao, San Roque, Pantabangan, Magat at Caliraya dams ay nadagdagan habang ang Binga dam naman ay nabawasan.

Patuloy naman sa pagpapakawala ng tubig ang Binga dam.