Operating speed ng MRT-3 itinaas na sa 60kph

Naitaas na sa 60kph ang operating speed ng mga tren ng MRT-3.

Simula kahapon, December 7 bumiyahe na sa bilis na 60kph ang mga tren.

Bumaba sa 3.5 to 4 minutes na lamang ang average time sa pagitan ng mga tren mula sa dating 8 to 9.5 minutes.

Dahil dito, ang travel time mula North Avenue station hanggang sa Taft Avenue ay bababa sa 50 minutes na lamang mula sa dating 1 hour and 15 minutes.

Ang pagpapabilis sa train speed ay resulta ng isinagawang rail replacement works sa MRT-3.

Noong Setyembre ay nakumpleto na ang rail replacement works sa buong linya ng tren.

Huling bumiyahe sa bilis na 60kph ang MRT-3 noon pang September 2013.