LOOK: LRT-1 inilunsad ang kanilang “Christmask Train”
Bumibiyahe na ang “Christmask Train” ng LRT line 1.
Taun-taon tuwing sasapit ang kapaskuhan, mayroong Christmas Train ang LRT-1 na dinidisenyuhan ng mga palamuting pang-Pasko.
Pero dahil sa kasalukuyang pandemya ng COVID-19, sa halip na “Christmas Train” ay tinawag ito ng LRT-1 na “Christmask Train”.
Makikita sa bungad ng tren na mistulang nakasuot ito ng face mask.
Nilagyan din ang tren ng larawan ng mga frontliner bilang pagpupugay sa kanilang dedikasyon ngayong nahaharap ang bansa sa COVID-19 pandemic.
Kasabay ng paglulunsad ng Christmask Train ay namahagi din ng safety kits sa mga pasahero na naglalaman ng alcohol, face masks, at face shields.
Disclaimer: The comments uploaded on this site do not necessarily represent or reflect the views of management and owner of Cebudailynews. We reserve the right to exclude comments that we deem to be inconsistent with our editorial standards.